|
|
|
|
|
Gros boug' président y dit ça "sourire officiel zamicale". Oté, nana pas in ti sourire officiel pou moin aussi ?
Amicale réunionnaise de Poitiers, 34 rue du coteau COUTURE 86380 VENDEUVRE
webmaster:
|
Accueil Activités Évènements passés Nos photos Connaître la Réunion Réunionnais en Métropole Produits, voyages ... nouveau |
gros boug' président
|
|
Dans la paz kréol, nu moucate le monde, nu rigole bien, nu arconte ti zistoires salées ! si vous avez du mal à comprendre cette page, cliquez ici pour charger la traduction en PDF. ça qui manque boug’ kréol, kan lulé en métropole, y gagn’pas koz kréol avec tout c’kitsamer zoreil là ! Oté, lé sévère même kan oui arrive, oui demande dans in’ boutik in karo pou kraze out linz, y répond’ à ou « carrelage dans l’allée numéro onze ». Dans l’supermarsé, oui d’mande in’ dé figues bien mûr, y dit à ou « c’est pas la saison des figues, revenez en octobre ». Moin la même été cherse kréol dans l’zamical Reynion Poitiers, même là oui konné, zot y kompren in ti guine, mais zot y gagn’pas koz ek ou gros kréol lé hauts. Zot’ la oublié. Moi la trouve kan même in dé moun pou gagn’koz in pé, moi lé content ! Kan moi l’arrivé dans c’zamikal là, zot’ la été zenti ek moin, lété kalou même. La manz’ rougail komm la kaz, la donn à moin dé trois coup d’rum arranzé. La bèze à moin huit euros pou paye mi konné pas quoi, kotization mi crois, kouk çéssa ? In ti boug y appelle a lu m’ssié Trésorié, la demande à moin l’arzent là. Trézorié, ça pas in nom la Reynion, ça. In voler d’zoreil même! Sé nous, nana d’Hoarau, nana d’Técher, nana d’Lauret, nana d’Rivière, nana in tas d’qualité d’nom, mais boug y appelle Trésorié, mi konné pas. Moin la donn’ à lu son larzent. Pt’et lu nana besoin. Na d’monde lé pov’ oui konné ? Après, in gros boug’ y appelle a lu président la kozé. Lu la kozé, lu la kozé, lu la kozé, la pas arrête koze zoreil. Mais mounoir, lu koz bien seulement. Moi la pas gagn’komprend’ ine merde, mais la façon lu koz lé zoli. Lé komm in ti mizik y arrête zamais, kan l’disque lu lé rayé. Oté, même zoreils l’été pareil mond y komprend pas rien, mais zot y écoute quand même, y écoute, y écoute…ou bien zot y dort. In moment, lu la dit « l’éthique de l’amicale, mes chers amis, s’inscrit dans une double problématique … ». Ca moi la gagn’ komprende. Nana d’tiques dans c’zamikal là alors ? moi la kommence gratte à moin, moi la serse bien partout, navé pas su moin. P’tet’ tique zoreil y bouffe pas monde kréol. Nou lé pas assez bon pou zot. Tant mié mi dis à ou. Gros boug’la la fini d’koz langaz’, son gozié lété sec, nou la gagn’ ti verre d’punch kom la kaz. Lété bon, lété doux komm miel letchi. Seulement, zot gobelet navé ziste in ti guine dedans. Kréols zoreils lé rapiangue, hein !. Marmailles, ma faire rire zot’ bouche ! Ma raconte a ou in ti l’histoire k’la arrive la ravine kabri, kan moi lété encore marmaille. Ti l’histoire lé in pé gaillard, oui konné. Mi va arconte a zot kossa l’arrive mon tonton Ti Toine, quand lu la marié. ………………………………….. L’histoire de Fifine et Ti Toine : Mariaze Zozéfine ek Ti’Toine. zistoire la lé vrai, moin lété à la noce. Alors Ti’Toine la demande mariaze som’ Fifine (monde y appelle comm’ça Zozéfine). Oui connais, z’histoire là na lontan ! Ti fille la Reynion l’été pas comme zordi. Navait pas lédication sexuelle à l’école, et ti fille y faisait zot lédication dans l’champ de canne, ou même navait pas lédication du tout. Fifine lavait zamais fait l’amour, Y connaissait pas même koça k’lété. Enfin, zot deux Ti’Toine y marie à zot ! Nana in grande noce la ravine kabri, dans la case la momon d’Fifine. Oté, toute la bande y manze bon manzé, y boit d’coup d’sec, surtout Ti’Toine, lu l’aime bien l’arak ! Onze heures, onze heure et demi, Ti Toine la trop manzé, la trop bu, y commence fatigue a lu. La bien envie faire son p’tite affaire à son Fifine. Alors lu crie fort comme ça :
« Kitsamer, marmaille, lé tard, aster nu baise in bon coup! » Tout’ la noce y argarde à zot. Oté, Ti Toine lé sovaze ! lu lé soul ! Tonton Hyacinthe et cousin Ti’Gom y trappe Ti’toine, y traîne à lu dans la chambre en haut. La momon Fifine y souque sa fille, y jette à elle dans la chambre et zot’ y batte la porte. Tout l’monde achève manzé, zot y arrête causer… la batte in froid, comme y dit le zoreil ! Trois minites la passé, y entende Fifine crier comm’ ti cochon l’égorzé. Y entende désorde dans la chambre. Ti’Toine y gronde: « Oté Fifine, oui va donne à moins out’ ti bouquet d’plime, pengar ma totoche à ou »… La momon Fifine y court dans la chambre, toute la bande suive à elle. Zot y entre, zot y guette Fifine, lé perché en haut su in armoire. Ti Toine lé tout nu, son gros cabot lé dressé, lé dur comm’ galet, et lu essaye trappe Fifine que lé en train d’pleure su son l’armoire. Alors cousin Ti’Gom y pousse Ti’Toine dans le lit, La momon y oblize Fifine descende l’armoire, y arrasse son linge, y mette à elle tout nu, y pousse à elle dans le lit, y dit à elle : « aster, oui fait tout c’que Ti’Toine y veut, et oui emmerde pas le monde ». Nana d’moune y louque devant la porte, zot y rit lanfoutan, zot zié y perde pas in ti guine. In’dé gramoune y pince zot nez, y fé le signe de croix, y fé semblant tourne la tête. Na même domoune y prend’ photo. Y entende tout in tas d’qualités réflexions: « ti ki Fifine lé kalou ! », « Ti’Toine lé bien membré !», « Oté, bouze à ou d’vant la porte, mi gagn’ pas voir », « guette à li don, son cabot lé pareil gros baba figue !». Même ti marmaille lé là pour faire l’zocrisse. Momon y gagn’ colère, y pousse toute la bande yabs dehors la chambre. Toute le moune y artourne manze son carri. Zot la besoin in’ dé coup de sec pou faire tombe la fiève. Quand la fénoir y faiblit, zot y rentre zot caze. La momon y reste tout seul, lé tracassé, nana comme un saisissement. « Quoça c’pipe Ti’Toine la fé mon zenfant ? ». A six heures, elle y tourne encore, elle y vire dans la cuisine. Plusier fois elle nana envie d’monte dans la chambre pou voir comment ti fille li lé. Elle y gagne pas dormir. Huit-neuf heures, Fifine y descende enfin dans la cuisine. Elle y dit rien. Momon guette à elle, elle y cause pas non pli. Fifine y commence balaye la cuisine avec balai. Deux trois fois, elle y saute su un pied, tak tak tak ! elle y batte son pied par terre, tak tak ! comme ça même. La momon y trouve à elle drôle : « Oté, Fifine, Ou lé bien même ? » - « Oui Momon, moin lé la merci ». Et elle y tape avec son pied, tak tak ! deux trois fois encore. Tak tak tak ! - « Oté, Ti fille, nana in zaffaire y tracasse à ou. Ou lé mavouze. Dis à moins quoça Ti’Toine la fé ? la ravaze ek vou ? » - « Nana rien lé arrivé, momon, tracasse pas out tête ». Et elle y batte son pied, et elle y batte son pied, et tak tak tak ! et tak tak tak… ! La momon guette à elle droit dans’l’zié, y dit à elle : - « Fifine, ou lé mon zenfant. Zenfant y peut dire tout son momon. Di à moins : quoça l’arrive à ou ? »
-
Ben
voila momon ! Hier, dans le lit, Ti’Toine la bourre son cabot dans
mon chouchoute, l’été gros comme ça : Quand la sorti, l’avait ziste in ti guine comme ça :
|
||
|
Accueil Activités Évènements passés Nos photos Connaître la Réunion Réunionnais en Métropole Produits, voyages ... nouveau |
